فرحان العشك جي لنك وياي ,شعر شعبي عراقي

يناغـيـنـي العشكَـ ياخـذني بأحســاس
لـعـــــالم احــلى مــنـه مـاتـمـنـيـــــت

عـلى اوتـار الـكَـلـب يـعـــزف مـواويــــل
ويـكـتبلي شعر بيت احلى من بيـــــــت

فــــرحـان الـعـشكَــ جـي لـنك ويــــاي
وبأحـضـان الـورد كل لـيــلي اغـفـيــــت

يـل شـايــل تـرافـــــــة دوّخِـــت نـــاس
بطــولك والـحٍـسن وشفـاف جكليـــــت

حـلــم جـنـت انه اشوفـك واكـعـد ويـاك
ولـجـل مــواصـــلك يـامـا انـه دعـيـــــت

يـاشـوكَي ولـهـفـتي ورجفـة اعضــــاي
لـو مــــــرّة عـلي بـأحـلامـي مـريـــــت

ويـاحـيـرة صـفـنـتي الـداخـت عليـــــك
الـك يـامـا حـجي بـالصفنة ضـمـيــــــت

احـبــك والله احبــك مو حـجي لـســـان
انه بكَلبي عشكَـ يفضحني لو جيــــــت

عـسـل حـبك كـتـلني ومنه مـاجــــــوز
ضـغـط سـكـر لـفـاني ومـاتـهـديـــــــت

صـوتـك مـن اسمـعـه انه اشتـعل نــــار
وبـس طـيـفـك يـمـر تـلـكَاني وجيـــــت